Fasteignasalan BÆR, Auður & Ólafur kynna: 7 herbergja vel skipulagt glæsilegt einbýlishús með tvöföldum bílskúr við Ystasel 24 á eftirsóttum og fjölskylduvænum stað í Seljahverfinu.
Þetta er eign fyrir vandláta. Bókið einkaskoðun. 

*** Parket slípað og aðalhæð máluð að stórum hluta í október 2024 *** Tilbúið til að flytja inn ***
§  Eignin er mjög mikið endurnýjuð síðastliðin ár.
§  Nýlegt eldhús með tækjum frá Miele. 
§  Búið að skipta út nánast öllu rafmagni og skipta um töflur.
§  Nýtt frárennsli bæði innan dyra og utan og neysluvatnslagnir nema á baðherbergi uppi.
§  Úttektarskýrsla frá Verkís 2023, sem búið er að vinna eftir.
§  100 fm (ca) hellulögn ásamt öðru eins í lerkipalli í garði. Restin er gras. 
§  Búið að jarðvegsskipta bæði fyrir framan og aftan hús. Drenlögn við húsið.
§  Lóðin er 700 fm, bílastæði með snjóbræðslu framan við hús og afgirtur garður aftan við hús.
§  Hleðslustöð fyrir rafmagnsbíl og lagnaleið til að bæta við annarri stöð.
§  Tunnugerði fyrir 8 tunnur.
§  Skemmtilegt útsýni.

Nánari lýsing:
Aðalhæð: 
Eldhús: nýlegt eldhús frá Eirvík þar sem hvergi hefur verið til sparað og öll tækin eru frá Miele nema kælar. Meðal annars eru 2 uppþvottavélar, 2 vinnuskápar, 2 gufuofnar, 90 cm helluborð & niðurfelldur gufugleypir. Innbyggður ísskápur ásamt undirborðskæli frá Liebherr. Hluti af innréttingunni er í búri, sem er inn af eldhúsinu og þar er hólf fyrir vínkæli í innréttingu (getur fylgt með). Borðplatan í eldhúsinu er 80 cm að dýpt. Tækjaskápar eru með borðplötu frá Corian og vaskur í öðrum skápnum.
Svalahurð: frá holi beint að grillinu í garðinum.
Stofa/borðstofa: eru mjög rúmgóðar og bjartar með hurð út á svalir. Skemmtilegt útsýni yfir borgina.
Baðherbergi: upphengt klósett og stór innrétting með 2 vöskum. Inngangur að garðskála. Garðskálinn er mjög bjartur með heitum potti (hitaveitu). Þaðan er útgengt í garðinn.
Hjónaherbergi: er rúmgott.
Barnaherbergin: eru 2, Annað herbergið hefur verið notað sem fataherbergi.
Gólfefni: niðurlímt parket á stofu, gangi & stiga. Harðparket á svefnherbergjunum, marmari á baðiherbergi/garðskála og flísar frá Álfaborg í eldhúsi ásamt gólfhita.
Fallegur stigi á milli hæða.
Neðri hæð:
Anddyri: með góðu fatahengi.
Þvottahús: með stórri ikea innréttingu á heilum vegg, tengt fyrir þvottavél og þurrkara í vinnuhæð. Vaskur í borðplötu.
Baðherbergi: með walk-in sturtu og steinbaðkari. Duravit innrétting og Corian borðplata. Handklæðaofninn er rauður.
Svefnherbergi: nýlegur ofn.
Stofa: hefur verið nýtt sem sjónvarps- & tónlistarherbergi og hentar vel til þess.
Gólfefni: harðparket á svefnherbergi. Teppi með hljóðdempandi undirlagi frá Parka á stofu. Baðherbergi og þvottahús eru með flísar frá Álfaborg, 80x80. Ekkert gólfefni á anddyri.
Gólfhiti er á neðri hæð nema á anddyri og svefnherbergi. Búið er að leggja fyrir gólfhita í anddyri en eftir að fræsa.
Bílskúr er tvöfaldur. Bílskúrshurðir með fjarstýringu, sem hafa nýlega verið endurnýjaðar. Vinnuherbergi og geymsla hafa verið stúkuð af innan bílskúrs. Rafmagn, hiti, heitt og kalt vatn. Tenging fyrir 3ja fasa rafmagn til staðar og væri t.d. mögulegt að setja upp sauna klefa. Epoxy á gólfi.

Bílastæði fyrir allt að 7 bíla.
Sér afgirtur garður aftan við hús í sömu hæð og aðalhæð hússins. Frábært skjól myndast þar.

Samkvæmt upplýsingum frá seljendum hefur eftirfarandi verið gert: 
2018 svefnherbergi flotuð og sett nýtt harðparket frá húsasmiðjunni / parket á efrihæð og stiga slípað og lakkað / pottur tekinn upp og lagnir lagaðar / garði mokað burtu / veggur steyptur á lóðarmörkum / settur takkadúkur og frágengin drenlögn sunnan og vestan við hús / garður fylltur með grús og þjappaður / eldhús endurnýjað, allar raflagnir, pípulagnir og frárennsli endurnýjað.
2019 ruslaskýli steypt upp / garður girtur / garður hellulagður / sólpallur smíðaður / garður tyrfður / bíóherbergi smíðað.
2020 baðherbergi niðri byggt, nýtt frárennsli fyrir baðherbergi og þvottahús / þvottahús innréttað / allt frárennsli endurnýjað utandyra og í bílskúr / veggir steyptir undir svölum / snjóbræðsla lögð og plan steypt fyrir framan hús / snjóbræðslugrind smíðuð.
2021 bílskúr einangraður / lagnir í andyri endurnýjaðar / svefnherbergi neðri hæð endurnýjað / Bílskúr múraður, allar lagnir nýjar, gólfhiti settur.
2022 bílskúrshurðar endurnýjaðar, epoxy sett á gólfið / veggir smíðaðir í bílskúr / lagnagrind endurnýjuð / geymsla endurbyggð.
2023 múrviðgerðir utanhúss, vatnsbretti endurnýjuð / B30 hurð sett í bílskúr.
2023-apríl 2024 var farið í það sem sett var útá í ástandsskýrslu, það sem ekki var gert er að laga glugga og gler og laga flasningu á þaki, allt annað sem sett er útá var lagað, td. klætt undir þakkant, sett handrið á svalir, lagaðar svalahurðar, sett B30 hurð í bílskúr, klárað frárennsli gegnum andyri svo það er allt nýtt ofl.
 
Eignin er skráð þannig hjá HMS: íbúð á hæð 139,5 fm, íbúðarherbergi í kjallara 90,4 fm, bílskúr 45,6 fm og garðskáli/nuddpottur 26,2 fm samtals 301,7 fm. Lóðin er 700 fm. Byggingarár hússins er 1979. 

Glæsilegt og mjög vel skipulagt hús, sem vert er að skoða. 
Ölduselsskóli, Seljaborg & Seljakot eru í göngufjarlægð. Góðar verslanir eru innan seilingar. Stutt á stofnbrautir.

Allar nánari upplýsingar veita:
Auður Sigr Kristinsdóttir s 824-7772 & tölvupóstur [email protected] 
Ólafur Tr Thors s 666-8-777 & tölvupóstur [email protected]

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,8% hjá einstaklingum og 1,6% hjá lögaðilum af heildarfasteignamati.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar - nánari upplýsingar á heimasíðu lánastofnana.                 
4. Umsýslugjald til fasteignasölu, sbr. kauptilboð

Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasalan Bær því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þörf er á. 
Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og til húsfélags, þegar um það er að ræða. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.