512 3400
Engjavegur,800 Selfoss
73.900.000 Kr
Einbýli
4 herb.
186 m2
73.900.000

Tegund: Einbýli

Stærð: 186 fm

Herbergi: 4

Stofur: 1

Svefnherbergi: 3

Baðherbergi:2

Inngangur: Sér

Byggingaár: 1967

Lyfta: Nei

Brunabótamat: 66.020.000

Fasteignamat: 46.850.000

Áhvílandi: 0

Lýsing

Fasteignasalan Bær og Snorri Sigurfinnsson lgf s. 8648090 kynna í einkasölu. Engjavegur 43. Töluvert endurnýjað fjögurra herbergja einbýlishús með bílskúr miðsvæðis á Selfossi. Alls 186,6 fm. Frábær staðsetning við hlið íþróttavallarins og leikskóla, örstutt í grunnskóla, FSu, sundlaug og hinn nýja miðbæ. 

Húsið er steypt og var byggt 1967. Búið er að endurnýja þakjárn á bæði húsi og bílskúr. Gluggar upprunalegir en gler virðist í ágætu ástandi. Töluvert af lögnum endurnýjaðar, m.a. neysluvatn, miðstöðvargrind og miðstöðvalagnir að stórum hluta, raflagnir að hluta og skolplagnir fóðraðar út i brunn í innkeyrslu.  Snyrtileg gróðursæl lóð, hellulögð verönd og malbikuð innkeyrsla.

Innra skipulag. Flísalögð opin forstofa, forstofusalerni. Hol, stofa og borðstofa í opnu rými, harðparket á gólfum. Endurnýjuð loftaklæðning með innfelldri ledlýsingu í þessu rými. Jafnframt var endurnýjuð einangrun í þaki. Hurð úr stofu á verönd. Eldhús er opið til borðstofu og inn í hol. Það var endurnýjað fyrir ca 10 árum. Snyrtileg fulningainnrétting, granít borðplata, mósaík flísar á milli skápa, korkflísar á gólfi. Lítið búr inn af eldhúsi. Úr holi er gengið inn í eitt herbergjanna sem er með fataskáp. Á lokuðum herbergjagangi eru tvö herbergi. Bæði með fataskápum. Harðparket er á öllum herbergjum og gangi. Innst á gangi er herbergi sem var hugsað sem fataherbergi en er nýtt sem skrifstofa í dag. Baðherbergi er nýlega endurnýjað, flísalagt í hólf og gólf, upphengt salerni, sturtuklefi og innrétting.
Flísalagt rúmgott þvottahús er inn af forstofu. Innrétting. Hurð út í bakgarð.

Öll gólfefni hússins eru endurnýjuð. Innihurðar eru endurnýjaðar. Gólfhiti er í forstofu, eldhúsi og baðherbergi.

Bílskúr sem er 31,9 fm þarfnast endurnýjunar að hluta. Loftaplötur og einangrun er úr sér gengin. Afrennsli hitaveitu fer í bílskúrinn.

Virkilega áhugaverð fasteign í grónu hverfi miðsvæðis á Selfossi.

Nánari upplýsingar veitir Snorri Sigurfinnsson, löggiltur fasteignasali s. 8648090 eða snorri@fasteignasalan.is. 

Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati, 0,4 % fyrir fyrstu kaupendur.
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2500 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasalan Bær því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.




 

Viltu vita meira?

Skilaboð hafa verið send.