512 3400
Réttarhólsbraut,805 Selfoss
49.900.000 Kr
Sumarhús
4 herb.
104 m2
49.900.000

Tegund: Sumarhús

Stærð: 104 fm

Herbergi: 4

Stofur: 1

Svefnherbergi: 3

Baðherbergi:1

Inngangur: Sér

Byggingaár: 1974

Lyfta: Nei

Brunabótamat: 47.050.000

Fasteignamat: 38.250.000

Áhvílandi: 0

Lýsing

Fasteignasalan Bær og Snorri Sigurfinnsson lgf kynna í einkasölu. Réttarhólsbraut 12 Öndverðarnesi. Vandað 104,4 fm heilsárshús með hitaveitu á skógi vaxinni jaðarlóð, ekki langt frá 18 holu golfvellinum,  sundlauginni og tjald-/hjólhýsasvæðinu í Öndverðarnesi. Lokað svæði, mikil og góð þjónusta og eftirsótt og vinsælt sumarhúsasvæði. Klæðning á vegum heim að húsinu. Rúmgott bílaplan og um 9 fm geymsluskúr á lóð.

Húsið er timburhús á steyptum súlum. Byggt í áföngum og elsti hlutinn meira og minna endurnýjaður. Yngsti hlutinn er stofan sem byggð var 2019 í stað sólstofu. Húsið er klætt með Garapa harðviðarklæðningu (Braselíuhlynur) og liggjandi lituðu báruáli. Gluggar endurnýjaðir og aluzink á þaki. Endurnýjaðir pallar um 100 fm með vönduðum hitaveitupotti 2x2 m með nuddi og öflugri dælu, frá Á. Óskarsson. Nýtt sérgert og vandað pottlok.

Nánari lýsing. Opin forstofa með fatahengi. Gangur. Tvö svefnherbergi, hurð út á pall úr öðru þeirra og þriðja herbergið er fataherbergi. Hurð af gangi út á sólpall. Eldhús og borðstofa, góð hvít innrétting með eyju. Arinn í horni borðstofu sem er það eina sem eftir er af upphaflega húsinu. Tröppur niður í stofu. Allir veggir eru klæddir með hvítum veggplötum.
Innfelld LED lýsing í lofti. Baðherbergi með innréttingu, sturtu og handklæðaofni.
Flísar á forstofu og gangi og gólfhiti, flísar á baðherbergi. Gegnheilt parket á herbergjum og annarsstaðar er harðparket frá Birgisson. Gólfhiti í stofu. Geymsla / þvottahús er við hlið inngangs. Þar er efri og neðri innrétting með vaski, þvottavél og þurrkari og stýring á heita pottinum. Þvottavél og þurrkari fylgja með.

Á árunum 2007-2011 voru miklar framkvæmdir á vegum fyrri eiganda. Eldhús og bað endurnýjað. Einnig m.a. vatnslagnir, miðstöðvalagnir og raflagnir og nú nýlega var tekið inn þriggja fasa rafmagn. Gjöfull forðakútur, sem hitar upp kalt vatn með hitaveitunni og skapar sama þrýsting á heita neysluvatninu og kalda vatninu.

Lóðin er 5000 fm jaðarlóð, kjarri og skógi vaxin. Leigulóð með ótímabundnum leigusamningi. Stórt bílaplan fyrir 5 bíla, með einfasa hleðslustaur. Lítil grasflöt sunnan við húsið og þar er geymsluskúrinn sem er einangraður og með hita og rafmagni. Ennþá sunnar á lóðinni er gamall pallur. Útilýsing með led perum á húsi og á staurum með innkeyrslu. Gervihnattadiskur með fjölda frístöðva.

Núverandi eigendur hússins hafa haft í því búsetu hluta ársins enda má segja að húsið sé nánast eins og einbýlishús. Áhugaverð eign.

Nánari upplýsingar veitir Snorri Sigurfinnsson, löggiltur fasteignasali s. 8648090 eða snorri@fasteignasalan.is. Bókið skoðun.

Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati, 0,4 % fyrir fyrstu kaupendur.
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2500 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasalan Bær því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Viltu vita meira?

Skilaboð hafa verið send.