512 3400
Dugguvogur,104 Reykjavík (Vogar)
39.900.000 Kr
Atvinnuhús
5 herb.
143 m2
39.900.000

Tegund: Atvinnuhúsnæði

Stærð: 143 fm

Herbergi: 5

Stofur: 1

Svefnherbergi: 4

Baðherbergi:1

Inngangur: Sameig.

Byggingaár: 1964

Lyfta: Nei

Brunabótamat: 38.150.000

Fasteignamat: 26.850.000

Áhvílandi: 0

Lýsing

Loftur Erlingsson löggiltur fasteignasali og Fasteignasalan Bær kynna í einkasölu:
Fjárfestingartækifæri í Vogabyggð 3, - möguleiki að útbúa t.d. stóra Penthouse íbúð með einstöku útsýni til ósa Elliðaáa.

Rýmið er í dag 5 herbergja, 143,9fm. á 3. (efstu) hæð í eldra skrifstofuhúsnæði á horni Dugguvogs og Súðarvogs.
Allir milliveggir eru léttir og því einfalt að útbúa stórt opið rými. Hverfinu á að breyta í blandaða byggð og ber gatan þess merki, en mikið hefur verið um að iðnaðarhúsnæði sé breytt í áhugaverðar íbúðir í götunni. Deiliskipulag þess efnis er í vinnslu.
Inngangur í húsið er frá Dugguvogi, víður stigagangur með terazzo á gólfi og hátt til lofts. Fimm rými eru á efstu hæð hússins og snýr þetta með glugga í suð-austur og er með þriggja metra lofthæð. Komið er inn í forstofu/miðrými, gott flísalagt baðherbergi þar á hægri hönd með sturtuklefa, vaski á innréttingu og klósetti. Á vinstri hönd er rúmgóð geymsla með máluðu gólfi. Innar er eldhús til hægri og góður borðkrókur, parket á gólfum. Engir gluggar eru á þessum rýmum, þeir eru allir á herbergjunum fjórum sem eru vel stór, parketlögð og með góðu útsýni yfir ósasvæði Elliðaáa.  Allir milliveggir eru léttir og því einfalt að breyta skipulagi íbúðarinnar verulega.  Innihurðir af vandaðri gerð.   Íbúðin er hituð með sameiginlegu ofnakerfi hæðar, Danfoss kranar á ofnum.  Þak hússins var endurnýjað nú í vor og fyrir liggur nýgerð skýrsla um ástand hússins að utan hvar m.a. kemur fram að skipta þurfi um glugga í húsinu og laga múrhúð. Seljendur hafa fengið verðhugmynd í hluta þeirra framkvæmda en ekkert hefur verið ákveðið í þeim efnum.  Samhljómur ríkir meðal eigenda á 3.hæð um að breyta rýmunum þar í íbúðir.  Fasteignin er staðsett á afar heppilegum stað í nýjasta hluta Vogabyggðar sem er í hraðri uppbyggingu, og gerir öll skipulagsvinna ráð fyrir að götumynd Súðarvogs verði varðveitt og ekkert byggt fyrir framan húsið. Þá mun borgarlínan liggja framhjá húsinu og stutt verður í stoppistöð, auk þess sem fyrirhugað er að leggja Sæbraut í stokk framhjá hverfinu. Sameinast hverfið þá Vogahverfinu hinu megin við Sæbraut. Jafnframt verður heimilt að byggja hæð ofan á húsið og auka byggingarmagn á baklóð. 
Áhugasamir eru hvattir til að kynna sér vel framtíðarskipulagsáform Reykjavíkurborgar fyrir Vogabyggð 3 og nærliggjandi svæði.
Upplýsingar um Vogabyggð 3, sjá hér:  reykjavik.is/vogabyggd-3-uppbyggingarmoguleikar

Nánari upplýsingar veitir Loftur Erlingsson lögg. fasteignasali í síma 896 9565 og loftur@fasteignasalan.is

Hringið og bókið skoðun.


 Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati, (0,4% fyrstu kaup)  lögaðilar 1,6%
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2500 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. kauptilboð

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasalan Bær því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Viltu vita meira?

Skilaboð hafa verið send.