Loftur Erlingsson lögg.fasteignasali og Fasteignasalan Bær kynna í einkasölu:  
Gimbratún 3, nýlegt, mjög viðhaldslétt, sérlega glæsilegt og vandað 134fm, 5herb. einbýlishús í landi Hellishóla í Fljótshlíð.
-- Skipti möguleg á húsi eða íbúð á Selfossi eða á höfuðborgarsvæðinu. --
Hægt er að fjarstýra hita og lýsingu hússins með appi í snjallsíma og draga niður hlera fyrir alla glugga að utan á sama hátt. 
Afhending við kaupsamning - innbú fylgir.  
Húsið samanstendur af forstofu, miðrými hvaðan gengt er í þrjú herbergi og aðal baðherbergi hússins, eldhús og stofu í sameiginlegu opnu rými, sjónvarpsherbergi og hjónaherbergi með sér baðherbergi.
Öll gólf hússins eru með marmaraflísum og gólfhiti undir þeim. Sólbekkir einnig marmari.  Í eldhúsi eru tæki og stílhrein innrétting frá IKEA, upptekið loft og stórir gluggar mót suðri í stofu og gengt út á pall. Sjónvarpsrými er milli eldhúss og hjónaherbergis, hægt að loka því með rennihurð. Hjónaherbergið er rúmgott og með fataskápum og sér baðherbergi með sturtu og upphengdu klósetti. Einnig gengt útá pall. Frá miðrými hússins er sem fyrr segir gengt í þrjú góð svefnherbergi og aðal baðherbergi hússins. Þar er handlaug, upphengt klósett og sturta auk innréttingar fyrir þvottavél sem hægt er að loka fyrir með rennihurð. Þá er geymsla í vestur horni hússins og opið þar uppá geymsluloft yfir hluta hússins, gengið inn í hana utan frá.   Húsið er timburhús, einangrað með allt að helmingi þykkari einangrun en gerðar eru kröfur um hér á landi bæði í botnplötu, veggjum og þaki, tvöfalt gips á veggjum inni.  Húsið er múrhúðað að utan, stallað bárustál á þaki, þakkantur einnig klæddur blikki.  Gluggar og allar hurðir eru úr plasti og áli, allt mun þykkara en almennt gerist og með þreföldu einangrunargleri og argongasi milli glerja sem eykur enn á einangrunargildi.  Allt þetta gerir það að verkum að hitunarkostnaður hússins er til muna lægri en í nálægum húsum sem byggð eru á hefðbundinn hátt samkvæmt íslenskum hefðum og byggingastöðlum. Húsið er kynt með rafmagni, lýst upp með led ljósum á mjög skemmtilegan máta og raf-hitastýringar í öllum rýmum, og hægt að fjarstýra öllu með appi í snjallsíma sem fyrr segir.  
92,5fm pallur er fyrir suður- og vestur hliðum hússins, klæddur með viðhaldsléttu PVC efni.  Lóðin er slétt - var áður tún. Á henni hefur verið byggt skemmtilegt sexhyrnt grillskýli með steyptu gólfi, aparóla, hríslum plantað á lóðamörk og hljóðmön úr jarðvegi sett upp næst akveginum. 
Í Hellishólum í Fljótshlíð er öflug ferðaþjónusta, 9 holu golfvöllur, hótel, matsölustaður, tjaldsvæði og fleira. 
Þá er steinsnar í útivistarparadís Skógræktar ríkisins að Tumastöðum í Fljótshlíð, aðeins 11km á Hvolsvöll og 34km í Landeyjahöfn.

Loftur Erlingsson löggiltur fasteignasali veitir nánari upplýsingar og sýnir eignina. 
S: 896 9565     t.p.  loftur@fasteignasalan.is 
Hafðu samband og bókaðu skoðun.

 Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati, (0,4% fyrstu kaup)  lögaðilar 1,6%
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2500 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. kauptilboð.