512 3400
Hulduhóll,820 Eyrarbakki
43.900.000 Kr
Parhús
4 herb.
140 m2
43.900.000

Tegund: Parhús

Stærð: 140 fm

Herbergi: 4

Stofur: 1

Svefnherbergi: 3

Baðherbergi:1

Inngangur: Sér

Byggingaár: 2020

Lyfta: Nei

Brunabótamat: 0

Fasteignamat: 21.650.000

Áhvílandi: 0

Lýsing

Fasteignasalan Bær og Snorri Sigurfinnsson lgf kynna. Hulduhóll 57.
Vandað fjögurra herbergja nýtt fjölskylduhús með bílskúr í barnvænu umhverfi í útjaðri Eyrarbakka þar sem skóli og leikskóli eru í göngufæri og stutt er í fallega náttúru, fjörugt fuglalíf og sendnar fjörur. Jaðarlóð með útsýni í rólegri botngötu.

Húsið er laust til afhendingar við kaupsamning.

Nýtt, 140,6 fm parhús á einni hæð í nýju hverfi á Eyrarbakka. Húsið er byggt 2020. 
Samkvæmt teikningum skiptist húsið á eftirfarandi hátt: Forstofa og gangur, baðherbergi, sér þvottahús, þrjú svefnherbergi og svo er eldhúsið, borðstofa og stofa í einu góðu alrými sem er með útgönguhurð í garðinn og að auki er 42,2 fm innbyggður bílskúr og gert er ráð fyrir geymslu sem einnig er með útgönguhurð.
Húsið er vandað timburhús sem er klætt að utan með aluzinkaðri báru en innveggir eru byggðir upp með 70 mm málmstoðum sem eru klæddar með tvöföldu 12 mm gipsi á báðum hliðum og einangrun á milli. Stærð íbúðarrýmis er 98,4 fm og bílgeymslan er 42,2 fm.
Lóðin er grófjöfnuð og möl í innkeyrslu en húsið er fullbúið að utan og að innan er húsið mjög langt komið og skilast eins og það er.

Nánari lýsing. Forstofan er með stórum fataskáp frá Fríform. Gengið er inn í svefnherbergi sitthvoru megin af forstofugangi.
Svefnherbergi eru tvö og ágætlega rúmgóð. Þar eru bráðabirgðaskápar.
Alrými með nýrri og rúmgóðri eldhúsinnréttingu frá Fríform. Stofa, borðstofa eru í framhaldi af eldhúsi með stórum gluggum til suðurs og austurs. Einnig er útgengt úr stofu í bakgarð.
Baðherbergi er flísalagt bæði veggir og gólf. Þar er upphengt salerni og innréttingar frá Ikea.
Hjónaherbergi er mjög rúmgott með stórum fataskáp og einstöku útsýni til austurs.
Þvottahús með innréttingu með bráðabirgðahurðum. Þar er gert  ráð fyrir þvottavél og þurrkara.  Innangengt er úr þvottahúsi í bílageymsluna en þar á milli er eldvarnarhurð.
Bílageymslan er um 40m2 og skilast eins og hún er við sýningu, þ.e.a.s. einangruð, plöstuð og með rafmagnsgrind. Bílskúrshurðin er Ryterna og einnig er útgengt út í bakgarð úr bílageymslunni.
Í íbúðarrýminu eru allir veggir málaðir og loftin klædd og fullfrágengin, hiti er í gólfum en án endanlegra hitastýringa í hverju herbergi. Húsið verður afhent án gólfefna nema að flísar eru á baðherbergisgólfinu. Á svefnherbergisganginum eru næturljós með birtuskynjara. Allar innihurðir eru vandaðar Ringo hurðir frá Birgisson.

Fljótlega á nýju ári verður hinn helmingur hússins að Hulduhól 55 einnig til sölu ef það skyldi henta stórfjölskyldum að kaupa samliggjandi eignir.

Í dag er húsið að fá úttekt á byggingarstig 5 og selst þannig. Lokaúttekt með tilheyrandi frágangi er því eftir.

Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati, lögaðilar 1,6%
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2500 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. kauptilboð
5. Skipulagsgjald 0,3 % af brunabótamati. (lagt á eftir lokaúttekt á byggingarstigi 7)

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasalan Bær því skora á væntanlega kaupendur að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun.

Kaupandi skal áður en hann heldur áfram með framkvæmdir ráða nýjan byggingarstjóra að húsinu.  Sama gildir um alla aðra iðnameistara að húsinu nema samið sé við sömu aðila um áframhaldandi störf.

Nánari upplýsingar veitir Snorri Sigurfinnsson löggiltur fasteignasali s. 864-8090 eða snorri@fasteignasalan.is
Bókið skoðun.

Viltu vita meira?

Skilaboð hafa verið send.