512 3400
Eyrargata byrgi 1,820 Eyrarbakki
33.500.000 Kr
Fjölbýli
5 herb.
295 m2
33.500.000

Tegund: Fjölbýli

Stærð: 295 fm

Herbergi: 5

Stofur: 0

Svefnherbergi: 0

Baðherbergi:2

Inngangur: Sér

Byggingaár: 1920

Lyfta: Nei

Brunabótamat: 73.800.000

Fasteignamat: 37.300.000

Áhvílandi: 0

Lýsing

Hafsteinn Þorvaldsson fasteignasali og Fasteignasalan Bær kynna í einkasölu stórt og tignarlegt hús í hjarta Eyrarbakka. Húsið stendur við aðalgötu bæjarins á sjávarlóð.  Húsið á sér merkilega sögu, eitt af elstu steinsteyptu húsum landsins, byggt árið 1913 og svo var byggt við það 1920.  Að utan er húsið ný málað, endurnýjað járn á þaki og malarbílaplan er við húsið og grasflöt sjávarmegin.  Fyrir utan endurbætur er húsið mjög upprunalegt og hefur því ríkt varðveislugildi.  Jarðhæðin eða lítið niðurgrafinn kjallari, er 107,3 fm og þar fyrir ofan er 105,2 fm opið rými skráð íbúð og viðbygging 63,2 fm skráð íbúð en er opið rými/bílskúr, samtals 277,8 fm.  Teikningar gera ráð fyrir 20 fm svefnlofti í viðbyggingarhluta hússins.

Nánari lýsing:
Neðri hæð/kjallari (rými 02-0001) Óðinshús.  Skiptist í tvö opin rými, nýleg hurð að framanverðu og einnig er hægt að fara niður um op af hæðinni fyrir ofan.  Rýmið hefur á undanförnum árum verið notað sem geymsla.  Nokkrir gluggar/gluggaop eru á þessu rými en lokað er fyrir þá með hlerum.  Gólf er steypt en óslétt.  Lofthæð undir burðarbita er ca 1.80 cm og eitthvað hærra undir gólffjalir.

Hæð, skráð íbúð (rými 02-0102) Óðinshús.  Stórt og bjart opið rými með góðri lofthæð þar sem upprunalegar kraftsperrur blasa við.  Nýleg inngönguhurð á gafli hússins og við inngang hefur verið byggt snyrtilegt bíslag úr timbri.  Á hæðinni er lítil salernisaðstaða og lítil afstúkuð geymsla.  Upprunalegar gólffjalir og hægt er að opna nýlegar dyr sunnanmegin þar sem útsýni er út á sjó.  Þetta rými hefur á undanförnum árum verið notað sem vinnustofa fyrir listamenn og sem menningarhús.

Viðbygging/bílskúr skráð íbúð (rými 02-0101)  Gamla rafstöðin/slökkvistöðin.  Skráð sem íbúð en er í dag opið rými að stærstum hluta.  Stór innkeyrsluhurð og gönguhurð þar við hliðina.  Salernisaðstaða með tveimur wc.  Þetta rými hefur á undanförnum árum verið notað sem vinnustofa fyrir myndlistafólk, rithöfunda, kvikmyndagerðarfólk og tónlistafólk.  Í þessu rými er gert ráð fyrir svefnlofti (02-0103) sem hefur þegar verið skráð inn í heildar fermetratölu eignarinnar.

Merkilegt hús á eftirsóttum stað í góðum bæ.  Húsið er með elstu steinsteyptu húsum landsins. Eftir að Kf. Hekla hætti að nota húsið tengdist það útgerðinni á Eyrarbakka í áratugi. Húsið á því sterka skírskotun í atvinnusögu staðarins og ekki síst til hinnar stórmerku verslunar og útgerðarsögu Eyrarbakka. Óðinshús er eina pakkhúsið sem eftir er á Eyrarbakka frá þessum tíma og hefur því ótvírætt verndunargildi út frá sögulegu sjónarmiði.  Rafstöðin var byggð á árunum 1919- 1920 sem raflýsingarstöð fyrir Eyrarbakka. Minnismerki um þennan merka áfanga í sögu Eyrarbakka stendur vestan við húsið. Nánar má lesa um sögu Rafstövarinnar á www.eyrarbakki.is
Húsið er friðað vegna aldurs og heyrir undir samvinnuverkefni ríkisstjórnarinnar og Árborgar um  „Verndarsvæði í byggð“.

Samþykktar teikningar af fyrirhuguðum breytingum á húsinu frá ASK akrkitektum fylgja með í kaupum.

Hringið og bókið skoðun.
Bárujárnsklædda byggingin sem er sambyggð húsinu er ekki í söluferli.

Nánari upplýsingar veitir Hafsteinn Þorvaldsson, viðskiptafræðingur og löggiltur fasteigna,- og skipasali s. 891-8891, hafsteinn@fasteignasalan.is  
                                         
Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati.   (0,4% fyrstu kaup, 1,6% lögaðilar)
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2500 af hverju skjali.
3. Lántökugjald lánastofnunnar, almennt 0.5 - 1.5 % af höfuðstól skuldabréfs, Nánari upplýsingar t.d. á heimasíðum lánastofnanna.
4. Umsýslugjald til fasteignasölu samkvæmt kauptilboði.

Viltu vita meira?

Skilaboð hafa verið send.