512 3400
Reynivellir,800 Selfoss
62.500.000 Kr
Einbýli
9 herb.
282 m2
62.500.000

Tegund: Einbýli

Stærð: 282 fm

Herbergi: 9

Stofur: 2

Svefnherbergi: 9

Baðherbergi:2

Inngangur: Sér

Byggingaár: 1964

Lyfta: Nei

Brunabótamat: 86.200.000

Fasteignamat: 53.100.000

Áhvílandi: 0

Lýsing

Loftur Erlingsson löggiltur fasteignasali og Fasteignasalan Bær kynna í einkasölu:
Reynivellir 12, 800 Selfoss.  Stórt einbýlishús á þremur pöllum með aukaíbúð í kjallara, samtals 10 svefnherbergi.

Gengið er upp steyptar tröppur á pall með snjóbræðslukerfi að útidyrum hússins.
Forstofa er flísalögð og skápur þar fyrir yfirhafnir og gengt í forstofuherbergi með gluggalausu óinnréttuðu fataherbergi innaf.  Hol eða miðrými hvaðan gengt er á allar hæðir hússins.  Inn til vinstri er eldhús með eldhúskróki og eldri innréttingu, búr/geymsla þar við og gengt í þvottahús með máluðu gólfi og útgengi í hellulagða sólstofu/kalda geymslu útifyrir. Borðstofa við hlið eldhúss, panell þar á einum vegg og í lofti, gengt út í garð. Þá stór stofa sem byggt var við árið 1990, steypt plata og byggt yfir úr timbri. Parket á stofugólfinu en flísar á viðbyggingunni. Úr miðrými eru nokkrar tröppur upp á svefnherbergjagang með sex ágætum svefnherbergjum með fataskápum. Hjónaherbergið þeirra stærst og með mesta skápaplássið og gengt út á svalir sem vísa inn í garð úr því. Parket á gólfum herbergjanna orðið þreytt.  Einnig er baðherbergi á ganginum og var það endurnýjað 2017. Það er flísalagt í hólf og gólf, sturta með glervegg, vaskskápur með skúffum og upphengt klósett.  Úr miðrými er einnig gengt niður í kjallara.  Þar hefur nýlega verið standsett 4herb. íbúð með sér inngangi sem er í útleigu. Þar eru þrjú herbergi, eitt minna og tvö rúmgóð og annað þeirra með góðum fataskápum. Einnig stofa, forstofa/gangur, nett eldhús með nýlegri innréttingu og tækjum og flísalagt baðherbergi með vaski, klósetti og sturtu. Nýlegt harðparket á öðrum gólfum kjallarans. Annars eru gólfefni hússins sum hver farin að láta á sjá. Búið er að endurnýja raflagnir í kjallaraíbúðinni og á herbergjaganginum, ofnar og ofnalagnir, gler í hluta af gluggum hússins auk þess sem nýlega var settur nýr, vandaður PVC dúkur á einhalla þakið. Þá er komin ljósleiðaratenging. Frárennslislagnir voru myndaðar 2008 og kom ekkert athugavert í ljós við það að sögn seljenda.  Garðurinn er gróskumikill, grasflatir, blómabeð og mjög hávaxin tré. Snjóbræðslukerfi í tröppum og palli við aðaldyr, en pallurinn losnaði frá húsinu í Suðurlandsskjálftum fyrir nokkrum árum. Ekki er vitað til að þeir hafi haft áhrif á húsið að öðru leyti.  En ljóst er að húsið þarfnast töluverðrar endurnýjunar og viðhalds bæði úti og inni.  Seljendur hafa gefið allar upplýsingar um ástand hússins eftir bestu vitund en hafa ekki búið sjálfir í því um alllangt skeið, og geta því ekki ábyrgst að þekkja til ástands þess í þaula. 

Loftur Erlingsson löggiltur fasteignasali veitir allar nánari upplýsingar og sýnir eignina.
S. 896 9565
loftur@fasteignasalan.is
 
Hafðu samband og pantaðu skoðun. 

 Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati, (0,4% fyrstu kaup)  lögaðilar 1,6%
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2500 af hverju skjali.
3. Lántökugjald lánastofnunnar. Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. kauptilboð.

Skoðunarskylda:  Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Vill Fasteignasalan Bær því skora á væntanlega kaupendur að kynna sér vel ástand fasteigna fyrir kauptilboðsgerð og leita jafnvel til þar til bærra sérfræðinga um nánari skoðun.

Viltu vita meira?

Skilaboð hafa verið send.