512 3400
Eyvindarmúli - fljótshlið,861 Hvolsvöllur
150.000.000 Kr
Lóð
0 herb.
65535 m2
150.000.000

Tegund: Lóð

Stærð: 65535 fm

Herbergi: 0

Stofur: 2

Svefnherbergi: 7

Baðherbergi:0

Inngangur: Sér

Byggingaár: 1947

Lyfta: Nei

Brunabótamat: 135.120.000

Fasteignamat: 35.343.000

Áhvílandi: 0

Lýsing

Til sölu er lögbýlið Eyvindarmúli eystri í Fljótshlíð. Jörðin er að flatarmáli um 215 hektarar auk um 800 hektarar af óskiptu landi Eyvindarmúlatorfu uppi á heiði, eða alls rúmlega 1000 hektarar. Um er að ræða bæjarstæðið með öllum húsum, rafstöð og alls rúmlega 40 hektarar af túnum á láglendi.

Landsvæðið sem fylgir Eyvindarmúla eystri afmarkast til austurs og suðausturs af jörðinni Árkvörn. Til suðvesturs og vesturs nær landið að nýju lögbýli Eyvindarmúla vestra. Í norður nær Eyvindarmúli eystri að óskiptu landi Eyvindarmúlatorfu, sem er um 2600 hektarar að stærð og á Eyvindarmúli eystri 31,1% af því landi, eða um 800 hektarar. Nákvæmar teikningar og upplýsingar um skiptingu lands, ástand fasteigna og aðrar upplýsingar eru fáanlegar á skrifstofu fasteignasölunnar.

Á jörðinni Eyvindarmúli eystri er gott íbúðarhús (348m²). Þar eru 8-9 stór herbergi á hæð og í risi auk kjallara. Íbúðarhúsið er í ágætu ásigkomulagi og hefur m.a. nýlega verið skipt um rotþró og dren í kringum húsið og ný eldhúsinnrétting sett upp. Rafmagn er framleitt með eigin virkjun/rafstöð, en jafnframt er til staðar tenging við Rarik. Véla- og verkfærageymsla (bílskúr) stendur við húsið (um 122m²). Hesthús (302m²) og hlaða (345m²) eru sambyggð fyrir norðan íbúðarhúsið. Sumarhús með gistirými fyrir allt að 14 manns fylgir einnig. Húsakosturinn er í misjöfnu ástandi og eru kaupendur hvattir til að skoða öll hús á jörðinni vandlega með aðstoð fagmanna.

Eyvindarmúli eystri er í uþb. 20 km fjarlægð frá Hvolsvelli, innarlega í Fljótshlíðinni. Útsýni er afar fallegt frá bænum en í suðri blasa við Eyjafjöll, Eyjafjallajökull, Stóri-Dímon og Vestmannaeyjar í fjarska. Til austurs sést til Þórsmerkur og Mýrdalsjökuls. Staðsetning Eyvindarmúla eystra hentar vel til ýmiss konar reksturs, þmt. ferðaþjónustu, hestamennsku eða annarri frístundatengdri atvinnustarfsemi. Fyrirhuguð göngubrú yfir Markarfljót yfir í Húsadal í Þórsmörk mun auðvelda aðgengi að þeirri náttúruperlu úr Fljótshlíðinni .

Sögubrot: Að Eyvindarmúla var kirkja og kirkjugarður fram á 20. öld. Samkvæmt Landnámu kemur nafnið Eyvindarmúli frá Eyvindi Baugssyni, syni Baugs Rauðssonar, sonarsonar Kjarvals Írakonungs. Baugur nam fyrstur land í Fljótshlíð að ráði Ketils hængs og bjó að Hlíðarenda. Baugur var langafi Gunnars á Hlíðarenda. Á Sturlungaöld var Eyvindarmúli eitt af höfubólum Oddaverja og bjó þar m.a. Þórður Andrésson, er nefndur var „síðasti Oddaverjinn“.

Nánari upplýsingar veitir Ómar Guðmundsson, löggiltur fasteignasali hjá Fasteignasölunni BÆR í síma 696-3559 eða omar@fasteignasalan.is

Gjöld sem kaupandi þarf að greiða af vegna kaupanna: Stimpilgjöld af kaupsamningi; 0,8% af heildarfasteignamati (einstaklingar). Lögaðilar greiða 1,6%. Þinglýsingargjald af kaupsamningi, veðskuldabréfi, mögulegu veðleyfi o.fl., kr. 2.000,- af hverju skjali. Lántökugjald lánastofnunnar, almennt 0,5-1,0% af höfuðstól skuldabréfs (nánari upplýsingar m.a. á heimasíðum lánastofnanna). Umsýslugjald til fasteignasölu skv. kauptilboði.

Viltu vita meira?

Skilaboð hafa verið send.