512 3400
Sunnubraut,200 Kópavogur
140.000.000 Kr
Einbýli
8 herb.
217 m2
140.000.000

Tegund: Einbýli

Stærð: 217 fm

Herbergi: 8

Stofur: 2

Svefnherbergi: 3

Baðherbergi:2

Inngangur: Sér

Byggingaár: 1965

Lyfta: Nei

Brunabótamat: 58.150.000

Fasteignamat: 79.000.000

Áhvílandi: 0

Lýsing

Fasteignasalan Bær og Ólafía Ólafsdóttir, lgf., kynna:  Sunnubraut 37, 200 Kópavogi. EINSTÖK HÖNNUN - EINSTAKT HÚS - Á SJÁVARLÓÐ SUNNANMEGIN Á KÁRSNESI Í KÓPAVOGI.  Húsið er hannað af Högnu Sigurðardóttur, arkitekt og er eitt af fjórum einbýlishúsunum sem til eru eftir hana hér á landi.  Högna hefur hlotið verðlaun fyrir verk sín bæði hér á landi og erlendis. Hún var fyrst íslelenskra kvenarkitekta sem starfaði á Íslandi og eru húsin hennar þekkt fyrir frumleika, djörfung  og hennar einstakan stíl.  

Sunnubraut 37, Kópavogi, er skráð samkvæmt FMR alls 217m² og þar af er íbúðarrými 137,2m², bílskúr 22,8m² og geymsla / bátaskýli í kjallara 57m²
Húsið er einstaklega vel skipulagt með tilliti til notenda og rýmið nýtt til hins ýtrasta.  Í austurhluta hússins er hjónaherbergi og 2 svefnherbergi, baðherbergi og sér snyrting.  Í miðju, hjarta hússins, er opið eldhús, borðstofa, stofa og arinstofa. Tvö lítil rými, afdrep, eru í vesturhluta sem gætu nýst sem skrifstofurými.  Innangur er að norðanverðu og rétt við inngang er gestasalerni og fatahengi.  Innangengt er í bílskúr af aðalhæðinni svo og í geymslu og bátaskýli í kjallara. 
Öll gólf íbúðarýmisins eru steinlögð með misstórum, mislitum, náttúrusteinum.  Veggir, utan og innanhúss eru sjónsteyptir þ.e. æðar og form uppsláttartimbursins er sýnilegt þá eru í veggjum  sjáanlegir náttúrustienar.  Veggir innanhúss eru sumir hverjir skilrúm og afmarka rýmin án þess að loka þeim og um leið afmarka flæði innan hússins.  Skráð byggingarár hússins er 1965 og er húsið í grunninn upprunalegt þótt skipt hafi verið um innréttingar (2004-2005) og sjónsteypa fengið lit þá er skipulagið óhreyft. 

Verkum Högnu og þá m.a. þessu tiltekna húsi er etv. best lýst í skrifum Guju Daggar Hauksdóttur í minningarorðum hennar (sem birtust í HA, 16. fegrúar 2017)  um Högnu Sigurðardóttur arkitekt: "Sameiginlegur þráður í ólíkum verkum Högnu er áhugi hennar á og umhyggja fyrir fólkinu sem þar dvelur, nærgætni fyrir þörf manna að draga sig í hlé með góða bók í notalegum krók með mjúka birtu ofanljóss yfir höfði sér og skilningur fyrir því hvernig skipulag, innra fyrirkomulag eða efnisáferð bygginga getur hvatt samskipti manna og örvað upplifun á augnablikinu. Annar ríkjandi þáttur í verkum Högnu er áhugi á og umhyggja fyrir samsetningum og frágangi byggingarhluta. Hún stefnir gjarnan festu á móti mýkt, svo sem hörðum steini á móti hlýlegum við, skugga á móti birtu, jörð á móti himni eins og til að koma til móts við og staðfesta ólík öfl efnis og anda á upplifun og skilning mannsins. Grófar steinhellur á gólfi drekka í sig mildi sólargeisla sem læðist inn um mjóa gluggarifu, og fastar innréttingar sem steyptar eru með gólfi og veggjum húss mynda staðfastan grunn fyrir létt og hreyfanleg veggþil úr hlýlegum við.
Byggingarlist Högnu Sigurðardóttur endurspeglar í óvenjulegum mæli karakter hennar sjálfrar þar sem persónuleg nánd og ljóðræn nálgun leggja grunninn að öruggu formi og umvefjandi rými, næmri efniskennd og sterkri tilfinningu fyrir birtu og myrkri. Verk hennar eru sannarlega vitnisburður um frumlegan og sérstakan metnað í fagi sem vegur salt á mörkum tækni, hönnunar og listar, samtímis því að ávarpa tilvist mannsins í heiminum, líkamlega sem andlega. Með Högnu er genginn afburða arkitekt sem sótti þræði sína aftur í tímann, í menningararf gamallar íslenskrar byggingarlistar og spann þá inn í nútímann með óvenjulegum og djörfum hætti, en byggingar hennar verða um ókominn tíma óður til íhygli og mannlegrar nándar í veðrabrigðum lífsins". 
(Birt með leyfi höfundar.)

Nánari upplýsingar veitir Ólafía Ólafsdóttir í síma 898 8242, tölvupóstur ola@fasteignasalan.is - Vinsamlegst hafið samband og bókið skoðun.

Viltu vita meira?

Skilaboð hafa verið send.